Məzmuna keç

Tap to Pay on iPhone texnologiyası

iPhone cihazınızla təmassız ödənişləri qəbul edin.

Tap to Pay on iPhone texnologiyası indi Yeri POS ilə istifadə üçün əlçatandır.◊ Bu o deməkdir ki, artıq hər kəs yerində edilən bütün növ təmassız ödənişləri qəbul edə bilər – fiziki debet və kredit kartlarından Apple Pay və digər rəqəmsal pulqabılaradək. Bu çox asan və təhlükəsizdir, həmçinin əlavə avadanlığa gərək qalmır. Ehtiyacınız olan sadəcə iPhone-dur.
Bu gün sınayın
Kart iPhone-un yuxarı hissəsində “təmassız” simvolunun üzərində saxlanılır

İstifadəsi asandır.

Cəmi bir neçə sadə addım.

  1. 1. iPhone-da Yeri POS tətbiqini açın və ödəniləcək məbləği daxil edin.

  2. 2. iPhone cihazını müştəriyə təqdim edin.

  3. 3. Müştəriniz kartını (üfüqi şəkildə) və ya cihazını sizə məxsus iPhone-un yuxarı hissəsində, “təmassız” simvolunun üzərində bir neçə saniyə saxlayır.

  4. 4. Done nişanını ekranda görürsünüzsə, kartın oxunması tamamlanıb və əməliyyat icra olunub.

iPhone 16 Pro ekranında “Hold Here to Pay” (Apple-ın ödəniş ekranı)
iPhone 16 Pro ekranında “Done” (ödəniş tamamlandı)

Fiziki debet və kredit kartlarını, eləcə də Apple Pay və digər rəqəmsal pulqabıları qəbul edin. Birbaşa iPhone ilə.

  • Təmassız kart

    Müştəriniz sadəcə kartını iPhone-dakı “təmassız” simvolunun üzərində Done nişanı görünənədək bir neçə saniyə üfüqi şəkildə saxlayır.

  • Apple Pay və digər rəqəmsal pulqabılar

    Müştəriniz sadəcə cihazını iPhone-dakı “təmassız” simvolunun üzərində Done nişanı görünənədək bir neçə saniyə saxlayır.

iPhone və Apple Watch: Apple Watch ilə ödəniş

Biznesinizin sərhədlərini genişləndirin.

Tap to Pay on iPhone texnologiyası sayəsində hər kəs təmassız ödənişləri birbaşa iPhone ilə qəbul etməklə daha çox yerdə bizneslə məşğul ola bilər. Bu ödəniş təcrübəsi yeni müştərilərin cəlb olunmasını, harada olmağınızdan asılı olmayaraq ödənişləri qəbul etməyinizi, yeni imkanlardan yararlanmağınızı və növbələri qısaltmağınızı asanlaşdırır. Ehtiyacınız olan sadəcə iPhone və Yeri POS tətbiqidir.
iPhone ekranında “Hold Here to Pay”

Əlavə avadanlığa ehtiyac yoxdur.

Kart oxuyucuları və terminallara pul xərcləməyə və onları idarə etməyə gərək qalmır. Beləliklə, Tap to Pay on iPhone texnologiyası yeni biznesə başlamağı və ya cari biznesi böyütməyi asanlaşdırır. Sadəcə iPhone və Yeri POS tətbiqini istifadə etməklə hər kəs təmassız ödənişləri qəbul edə bilər. Bu qədər sadə.
Müştərinin iPhone-u satıcının iPhone-una yaxınlaşdırılır

Daxili məxfilik və təhlükəsizlik funksiyaları.

Tap to Pay on iPhone texnologiyası iPhone-un öncədən quraşdırılmış məxfilik və təhlükəsizlik funksiyalarındən istifadə edir. Ödəniş emal edilərkən Apple kart nömrələrini və ya PIN məlumatlarını Apple serverlərində saxlamır — bu isə biznes və müştəri məlumatlarınızı qorumağa kömək edir.◊ Beləliklə, merçantlar və müştərilər məlumatlarının məxfi qaldığına əmin ola bilər.
iPhone ekranında kart PIN-kodunun daxil edilməsi

PIN-kod qorunur.

Tap to Pay on iPhone texnologiyasından istifadə edərkən PIN-kod tələb edən əməliyyatlar zamanı avtomatik olaraq PIN-kodun daxil edilməsi ekranı açılır. Tap to Pay on iPhone texnologiyası əməliyyat zamanı merçantın iPhone cihazındakı bütün foto, video, skrinşot və ekran yazısı funksiyaları ilə müştərinin kart nömrəsinin və PIN məlumatlarının çəkilməsinin qarşısını alacaq şəkildə yaradılıb.
Əlçatanlıq simvolu

Hər kəsin üçün uyğundur.

Tap to Pay on iPhone texnologiyasında vizual və ya digər yardıma ehtiyacı olan müştərilər üçün PIN məlumatlarını təhlükəsiz şəkildə daxil etməyə kömək edən xüsusi imkanlar mövcuddur. Səsli təlimatların köməyi ilə müştərilər PIN-kodu ekranda çəkir və ya hər bir rəqəmi bildirmək üçün ekrana toxunur — 1 üçün bir dəfə, 2 üçün iki dəfə və ilaxır. PIN-kodu təsdiqləmək üçün onlar sadəcə ekranda iki barmağını sağa doğru sürüşdürür.

Ehtiyacınız olan sadəcə iPhone və Yeri POS tətbiqidir.

  • iPhone XS və ya daha yeni model

    Tap to Pay on iPhone texnologiyası yalnız iPhone-da işləyir.

  • iOS-un ən son versiyası

    Bu addımları keçərək cihazı ən son versiyayadək yeniləyin: Settings > General > Software Update.

  • Yeri POS tətbiqi

    Yeri POS-da hesab yaradın və Tap to Pay on iPhone texnologiyasını aktivləşdirin.

Yeri POS-un qalan imkanları, Yeri OS, idarə paneli və onlayn menyu isə istənilən cihazda işləyir. Cihazlar

Bəzi təmassız ödəniş kartları qəbul olunmaya bilər. Əməliyyat limitləri tətbiq oluna bilər.

Daha çox yerdə bizneslə məşğul olun.

Kafedə müştəri kartı iPhone-a yaxınlaşdırır
Bərbərxanada kart iPhone-a yaxınlaşdırılır
Geyim mağazasında kart iPhone-a yaxınlaşdırılır
Restoranda ofisiant və qonaq iPhone ilə ödənişi tamamlayır
Açıq hava restoranında iPhone ilə ödəniş
Mağazada kart iPhone-a yaxınlaşdırılır
Avtomobil xidmətində iPhone ilə ödəniş
Kafedə iki iPhone bir-birinə yaxınlaşdırılır

İstifadəyə başlamaq asandır.

  1. 1. Yeri POS tətbiqini yükləyin.

  2. 2. Qeydiyyatı tamamlayın.

  3. 3. Yerində edilən, təmassız ödənişləri birbaşa iPhone ilə qəbul edin.

Tez-tez verilən suallar

Elə bu gün Tap to Pay on iPhone texnologiyasını Yeri POS ilə istifadə etməyə başlayın.

Bu gün sınayınSatış komandası ilə əlaqə

Hüquqi məlumatlar

Tap to Pay on iPhone texnologiyası üçün tələblər: Tap to Pay on iPhone texnologiyası üçün dəstəklənən ödəniş tətbiqi və ən son iOS versiyası tələb olunur. Bu addımları keçərək cihazı ən son versiyayadək yeniləyin: Settings > General > Software Update. Download and Install düyməsinə toxunun. Bəzi təmassız ödəniş kartları qəbul olunmaya bilər. Əməliyyat limitləri tətbiq oluna bilər. “Təmassız” simvolu EMVCo, LLC-yə məxsus və onun icazəsi ilə istifadə edilən ticarət nişanıdır. Tap to Pay on iPhone texnologiyası yalnız bəzi bazarlarda keçərlidir. Tap to Pay on iPhone texnologiyasının mövcud olduğu ölkə və regionlarla developer.apple.com/tap-to-pay/regions səhifəsində tanış ola bilərsiniz.

Tap to Pay on iPhone texnologiyası – şifrələmə və yaddaşda saxlama: Şifrələnmiş kart nömrələri yalnız Store və Forward rejimində aparılan əməliyyatlar üçün müvəqqəti olaraq iPhone-da saxlanılır.

Apple Pay – Apple Inc. şirkətinin törəməsi olan Apple Payments Services LLC tərəfindən təqdim edilən xidmətdir. Nə Apple Inc., nə də Apple Payments Services LLC bank deyil. Apple Pay üçün istifadə olunan istənilən kart onun emintenti tərəfindən təklif olunur.